بـــوقـــالات

بـــوقـــالات
1-رديـت بـابـي دفـة عـلى دفـة و طـويـت فـراشـي لـفـة علـى لـفـة و انـا سـعـدي شـمـعـة لا تـطـفـى.

2-هبـطـت لـقاع الجـنان فـرشـت زربـيـة خـرجـتـلي جـنـيـة قـالت لـي واشـبـيـك يا بـنـتـي راكـي مخـيـفـة قلـتـلها هـرب علـيا ذاك الـشـاب و خلانــــي و حـدانـيـة .

3- زوج قـلوب عـنـد الـغـروب الـشـمـس تـقـول نـكـشـف و الـقـمـر يـقول ذـنوب خـلـي ذاك الشـاب و الشـابـة يـكـمـلو ذاك الـمـكـتـوب.

4- رفـدت الـمـاء و أتـوضـيـت عـطـانـي ربـي مـاتـمـنـيـت.

5- خـرجـت فـي يـوم لـقـيـت سـيـدنا رسـول اللـه قـال لـي يـا ولـيـة يـا بـنـت الـوالـي أنـلبـسـك مـن لـبـاسـي و نـشـربـك مـن كـاسـي و أنـدخـلك الـجـنـة علـى حـسـاب لـعـقـاب.

6- هبطت لقاع البحر و شديت في بوابو قتلو يابحر جيبلي الي غابو قال لي انجبيلك الغايبين و الحاضرين و الجن و صحابو

7- لـبسـت لـبـاس و خـرجـت لـعـراس الـي عـنـدو 100 و200 يـتـقـدم و لـي مـا عـنـدوش يـقـطـع لـيـاس

8- إذا أنت بـرنـوس أنـا قـفـلة فـيـك و إذا أنـت مـحـبـس أنـا وردة فـيـك و أذا أنـت تـحـبـنـي أنـا نـمـوت عـلـيـك

9-عيـونـك رقـة و حـواجـبـك زادوا مـشـقـة يـازيـنـة الـمـنـتـقـة يـا ريـق الـتـفـاح ظـربـتـيـنـي بـظـربـة لازادوا لـجـراح و قـلـبـي راه عـنـدك مـاصـبـتـلـوا مـفـتـاح

10- زمانـي يـازمـانـي و زمـانـي تـلاقـيـنـا فــي دار بـسـمـتـها الـورد و تـعـطـيـنـا نـسـتـشـفـي فـي الـعـدوا كـيـما اسـتشـفي فـيـنـا و نـتـحـكـم فــي الـمـكـنـاس بـرجـلـيـنـا

11- غـرسـت لـيـمـا فـي قـلـب الـدار عـروقـهـا نيـلا و طـرافـهـا زنـجـار يـما يـما مـحـلا عـشـق الـجـار هـو داخـل و خـارج و أنـا قـلـبـي شاعـلـة فـيـه الـنـار

12-يـالـي راكـي بـيـن عـرفـيـن شـدي روحـك إيـلا تـطـيـحـي بـركـاكـي مـن عـشـق إثـنـيـن شـدي فـي واحـد إيـلا تـروحـي

1-يا ناس مليانة شفت عندكم طفلة مزيانة أعطوهالي و لا نديها من فراشها عريانة

2-قصر فوق قصر على حبيبي ما نصبر

3-أحبيبك حبو و السر الي بينكم أخفيه إذا حبك حبو أكثر و إذا خلاك لا تسال عليه .

4-لسمر يا لسمر واشبيك أمدمر حبيت محبوبة قلبي تونسني طول العمر .

5-كنا حنا لثنين في الغرفة جالسين جاز علينا غراب الليل شتتنا صابتنا عين مكاش ألي تجرع الهم كيما تجرعت أنا خليتها على ربي اللي يفرج ديما

6-جايز على باب دارنا يبكي و يعيط بصوت عالي ماولدوه ملوك و ما ولدوه سلاطن الي ولداتوا ملحفة بالشاش الغالي نطلب من الله يكون هو زوجي

7-حليت بيبان الرضى دسة على دسة و طويت فراشي لفة على لفة مصباحي مصباح الذهب و عمروا ما يطفى

8-قالولي علاش راكي فرحانة و حبيبك في البلدان ياك الرجال خداعين و مهبول اللي يقرا فيهم لمان رديت عليهم و قلت أانعلوا إبليس يا نسوان مولا بيتي يخاف ربي و أنا دايرة فيه لمان

9-عيطت عيطة قوية ناظت الميتة و رقدت الحية و قتلوا يا خريف راك طولت عليا ، قالي لا تسمطي ياوخية ياك هذا الزمان يفرق و يلاقي و يجي الخريف يلملم أوراقيو الظلمة مهما طالت يطلع الصباح الوضاح أصبري ياختي ياك الصبر هو المفتاح وقتاش ياربي يفرج و الفساد يولي صلاح و الليل يولي صباح و تروح هذيك الغمة وقلبي يرتاح

10-يالي بالعالي إسمك غالي أعمل روحك طبيب وأرواح شوف حالي و حال الغريب اللي ماعندوا والي .

11-أهبطت لقاع الجنان صبت شاب غايس قتلوا واشبيك غايس قالي البابور بقى بلا رايس و يلا حبيتي هذي السمانة ندخلوا عرايس

12-ذاك الطير اللي بنيتلو شبايك بالحرير و ماضنيتو يطير خلالي قفصي و عمر قفص الغير ماراني من اليهود و ماراني من السالف هذا حال الزمان يدور و بربي يرجع و يخلف

13-الطير اللي طار عليا ياك راني صبتوا قالي منك هذا الجفة و منك كل الأسباب أفرحوا ليا سعدي أسقم و طيري راهو نصاب

14-سيدي سيدي وينتا نلقاك في الرياض الجديد حرقتني شمس الضحى و أنا نترجى لحبيب كيما يترجى الصايم في هلال العيد ، سيدي و جهك غاب و محبتك لا بغات تغيب

15-الصابر إينال و أنا صبرت ماقدرتش نسال ، وقتاش ياربي الموحال يجينا و يصير حلال .

16-وعلاش تتكبري عليا ياك أنا ليك و أنتي ليا نطلب من ربي تكوني زوجة حلالية و تكون معاك الذرية.

17-يا مولات السعد لبيض حوست البلدان ماصبت مثلك ، أنشاله ياربي الدير حيلة من السماء باش نكون في كسبك .د

18-أحمد يا أحمد يالي ريتك عند باب المسيد حلفت لا تنساني و لا تروح من بالي نطلب من ربي لعزيز أتكون ليا زوجي لحلالي .

19-يما يما ركبت فوق العرف 7 أيام و سبع ليالي ما كليت و ما كلا حلالي ما عرفت لا من العشق و لا من هبالي .

20-جنان تعبت فيه رجع عندي حق فيه هذا اليوم ما نسيتو و المستقبل أنا مولاه الشجرة الميتة نحييها و نعلق 100 حرز عليها .

21-بعض الناس هوما كالعسل في القرجومة و بعض الناس يالطيف كالحية المسمومة و أنا إخترت ذيك القيمة المختومة كيفها مالقيت في بنات الحومة .

22-بعثتلك برية و قرنفلة حمراء من جميع ماتقرأ خسارة عليك يا حنوني بدلتني بالأخرى بدلتني نبدلك ، رميتني نرميك وناخذ صاحبك اللي عزيز عليك يلبس لبستك و يرجع يشبه فيك .

23-قاست على قدها قاط ذهب مجبود و طلقت على خدها سالف أكحل ممتود كونو عليا شهود يا أهل الفضل و الجود أنا الخديم في يد لالاه عبود .

24-جايز على باب دارنا يفرش في الورد ، الورد ماينعفس و الشوك ما ينباس و الهم مايرفدوه غير بنات الناس .

25-جايز على بابنا يفصل في العكري قتلو و ياشباب فصلي على قدي قالي ياخليلتي حتى أجي لعندي نفصل قاط ذهب و أنزيدلك من عندي .

26-الدار حذ الدار و التاقة حذ التاقة و العيون يتناظروا و القلوب عشاقة وحق عيسى و موسى و راكب الناقة ما أحر ياعباد الأرواح كيف تتلاقى ..

27-طليت من التاقة ننفض في الزربية جازوا عليا ثلاثة من العزاب الأول بعثو الملك قال نغنيها و الثاني بعثو السلطان قال نكسيها و الثالث بعثو الحبيب قال نموت و غير هي ألي نديها .

28-إذا دراكم في الجبل بالسلوم نطلعها و إذا بنتكم حاجبة نعطي لوامحها و إذا كذبتوني شوفوا خاتمي راه في صبعها .

29-ياناس واش بيها هاذيك الشجرة تزعزع بلعاني قلت واقيل هذاك الراجل أنساني قالي و الله مانسيتك مازلتي في بالي مالقيتش الطير ألي إيجي و يبلغك بسلامي .

30-بالاك تقولوا كي رحتوا عليا أتغبنت ، حجرة سكر في قلبي منبوتة كي تطبع الحجرة تنبت الياقوتة .

31-محبس مردقوش متربي على الفشوش شكون صبر على حبيبو كيما أصبرت أنا ، لراكي في سجور نكريلك طيور ، لركي في قصور نحبط عليك صور و لركي في بحور نكريلك عوامة و التراب أللي يغمك إيغمني أنايا .

32-يالي رايحين للحمام أدوني معاكم نرفدلكم الصابون و نمشي قدامكم ندخل البيت السخونة و نغسل بماكم يالي راضيين على غزالكم .

33-عودي عودي مانبغيك مانشريك أنديرك في يديا و أنا زاهيا بيك ، خرجوا عديان و عايروني بيك نديروا ذراع بذراع و لي يغلب يديك .

34-سين يا سين يا شجرة الياسمين يا عرق القرفة و الله ماننساك يا زين الوقفة .

شكرا لكم